Notice: Undefined index: lastart in D:\wwwroot\csrdg\asocireba.ge\httpdocs\show_article.php on line 111



2020:
ბოლო განახლება: 2018-12-15

2020 წელს გათვალისწინებულია ქართულ კანონმდებლობაში ჰიგიენის ძალზე მნიშვნელოვანი წესების გადმოტანა, რომელიც ე.წ. სწრაფად გაყინულ სურსათის[1] ტემპერატურული რეჟიმის დაცვას ითვალისწინებს. კერძოდ, ეს წესები მოიცავს:

  • 89/108/EEC დირექტივას, რომელიც ადგენს მოთხოვნას, რომ სწრაფად გაყინული სურსათის ტემპერატურა ტრანსპორტირების, შენახვის და დისტრიბუციის ყველა სტადიაზე უნდა იყოს არა ნაკლებ -18°C (დაშვებულია 3°C მოკლევადიანი ფლუქტუაცია ტრანსპორტირებისას და 6°C-მდე ფლუქტუაცია ღია დახლ-მაცივრდიდან გაყიდვისას).
  • 37/2005 რეგულაციას, რომელიც ითხოვს, რომ ღრმად გაყინული სურსათის ტრანსპორტირების, დასაწყობების ან შენახვის ყველა საშუალებას (მათ შორის ღია მაცივარ-დახლებს) გააჩნდეს სულ ცოტა ერთი, გარედან ხილვადი, დადგენილი სტანდარტის თერმომეტრი.
  • 92/2/EEC დირექტივას, რომელიც სწრაფად გაყინული სურსათის ტემპერატურის შემოწმების წესს ადგენს.

2020 წელს დაგეგმილია ქართულ კანონმდებლობაში გადმოტანილი იყოს 2009/770/EC გადაწყვეტილება, რომელიც ადგენს გმო-ს, როგორც პროდუქტის ბაზარზე გაშვების შემთხვევაში მისი მონიტორინგის და ამ მონიტორინგის შედეგების წარდგენის წესებს.

ამავე წელს არის გათვალისწინებული გმ-მიკროორგანიზმების უსაფრთხო გამოყენების წესების განმსაზღვრელი ერთ-ერთი აქტის -  2005/463/EC გადაწყვეტილების გადმოტანა ქართულ კანონმდებლობაში, რომელიც გმო და ჩვეულებრივი სასოფლო-სამეურნეო მცენარეების უსაფრთხო თანაცხოვრებისათვის ინფორმაციის გაცვლის ქსელის ჩამოყალიბებას ითვალისწინებს.

2020 წელს გათვალისწინებულია საქართველოს კანონმდებლობაში იმ ევროპული დირექტივის (78/142/EEC) გადმოტანა, რომელიც ადგენს უვნებლობის მოთხოვნებს სურსათის პლასტიკური ტარის ერთ-ერთი სახეობისთვის - პოლივინილქლორიდის (PVC) ტარისთვის. კერძოდ, დირექტივა ადგენს მავნე ნივთიერების - ვინილქლორიდის მონომერის (VCM) ზღვრულ დასაშვებ შემცველობას ტარის მასალაში, სურსათში ამ ნივთიერების აღმოჩენის მეთოდს და დასაშვებ ზღვრულ ოდენობას.

სხვა პლასტიკური მასალისგან დამზადებული ტარის/ჭურჭლის მარეგულირებელი ნორმების გადმოტანა საქართველოს კანონმდებლობაში 2022 წელს არის გათვალისწინებული.

2020 წელს საქართველოს კანონმდებლობაში გადმოტანილი იქნება ნორმატიული აქტები, რომელიც სურსათში გამოსაყენებლად დაშვებულ ფერმენტებისა და არომატიზატორების ჩამონათვალს ადგენს (1332/2008 და 1334/2008 და 873/2012 რეგულაციები). მხოლოდ ბოლის არომატიზატორებთან დაკავშირებული აქტების გადმოტანა არის გათვალისწინებული უფრო მოგვიანებით - 2021 წელს.

ევროკავშირში გამოსაყენებლად დაშვებული არომატიზატორების ბაზა ხელმისაწვდომია ინტერნეტით. ევროკავშირში დაშვებული ფერმენტების ჩამონათვალი კი ჯერ-ჯერობით ჩამოყალიბების პროცესშია.

-----------------

[1] ეს არის სურსათი, რომელიც, თავისი ბუნებრივი თვისებების მაქსიმალურად შენარჩუნებისთვის, სპეციალური კრიოგენული მეთოდების გამოყენებით, ძალზე სწრაფად იყინება -18°C ტემპერატურამდე.

ასოცირების ხელშეკრულების მუხლები
ევროკავშირის კანონმდებლობა
  1. 89/108/EEC დირექტივა - სწრაფად გაყინული სურსათის რეგულირება
  2. 92/2/EEC დირექტივა - სწრაფად გაყინული სურსათის ტემპერატურის შემოწმების წესი
  3. 37/2005 რეგულაცია - ტემპერატურის მონიტორინგი სწრაფად გაყინული სურსათის ტრანსპორტირებისა და დასაწყობებისას.
  4. 2009/770/EC გადაწყვეტილება - ანგარიშგება გმო-ს ბაზარზე გაშვების მონიტორინგის თაობაზე
  5. 2005/463/EC გადაწყვეტილება - გმო და ჩვეულებრივი მცენარეების უსაფრთხო თანაცხოვრებისათვის ინფორმაციის გაცვლის ქსელის ჩამოყალიბება
  6. 78/142/EEC დირექტივა - ვინილქლორიდის მონომერის შემცველი მასალები;
  7. 1334/2008 რეგულაცია - სურსათში დაშვებული არომატიზატორები; მისი შესრულების გარდამავალი დებულებები - რეგულაცია 873/2012;
  8. 1332/2008 რეგულაცია - სურსათში დაშვებული ფერმენტები.
საქართველოს კანონმდებლობა