Notice: Undefined index: lastart in D:\wwwroot\csrdg\asocireba.ge\httpdocs\show_article.php on line 111



2017:
ბოლო განახლება: 2018-12-12

მიმდინარეობს მონაცემების შეტანა

შესრულების მაჩვენებელი: % 

ვალდებულება

შესრულების მდგომარეობა პრობლემები შესრულება %
ევროკავშირის მოთხოვნებს დაუახლოვდეს: კანონმდებლობა პრაქტიკა
ჩვილთა და დიეტური სურსათის რეგულირება      

%

სურსათის ლაბორატორიული შემოწმების სიხშირე იმპორტისას       %
პესტიციდების ნარჩენების მონიტორინგი სურსათში       %

2017 წელს გათვალისწინებულია ქართულ კანონმდებლობაში ე.წ. საკვებდანამატების, ანუ სურსათის ტექნოლოგიური გამაუმჯობესებლების[1]  მარეგულირებელი ჩარჩო-დოკუმენტის - 1331/2008 რეგულაციის  გადმოტანა. რეგულაცია განსაზღვრავს სურსათის ტექნოლოგიური დანამატების დაშვების მთავარ პრინციპებს და ზოგად წესებს.

ამავე წელს მოხდება 2016 წელს უკვე გადმოტანილი სურსათის ფორტიფიცირების[2] მარეგულირებელი 1925/2006 რეგულაციის აღმასრულებელი ორი აქტის გადმოტანა, რომლებიც ადგენს დაინტერესებული პირის მიერ ამა თუ იმ ნუტრიენტის აკრძალვის გაპროტესტების წესს (რეგულაცია 307/2012 ) და იმ ინფორმაციის ჩამონათვალს, რომელიც უნდა მოაგროვოს სახელმწიფო ორგანოებმა ფორტიფიკაციის შედეგად მოსახლეობის მიერ ნუტრიენტების მიღების შესაფასებლად (რეგულაცია 489/2012).

ამავე წელს არის გათვალისწინებული ქართულ კანონმდებლობაში 609/2013 რეგულაციის გადმოტანა, რომელიც ადგენს ჩვილთა და მცირეწლოვან ბავშვთა კვების და დიეტურ პროდუქტებში დასამატებლად დაშვებული ვიტამინების, მინერალების და კვებითი ღირებულების მქონე სხვა ნივთიერებების ჩამონათვალს.

2017 წელს დაგეგმილია 94/360/EC გადაწყვეტილების და 669/2009 რეგულაციის გადმოტანა, რომლებიც შესაბამისად ცხოველური წარმოშობის პროდუქტების და მცენარეული წარმოშობის პროდუქტების იმპორტისას ტვირთის სხვადასხვა ტიპის შემოწმების სიხშირეებს ადგენს. შიდა წარმოების პროდუქციის კონტროლის მეტი ეფექტურობისთვის კი გადმოტანილი იქნება 2011/91/EU დირექტივა, რომელიც სურსათზე მისი პარტიის მითითების ვალდებულებას ადგენს. ლოტის/პარტიის აღნიშვნა მნიშვნელოვანია იმის გამო, რომ "სურსათის უვნებლობის, ვეტერინარიისა და მცენარეთა დაცვის კოდექსის" მე-11 მუხლის მე-6 პუნქტის მიხედვით თუკი სურსათის რომელიმე სინჯი მავნე აღმოჩნდა, მავნედ მიიჩნევა (და განადგურებას ექვემდებარება) სურსათის მთელი ის პარტია, რომლიდანაც სინჯი/ულუფა აღებულია.

2017 წელს დაგეგმილია  645/2000 რეგულაციის მოთხოვნების გათვალისწინება, რომელიც პესტიციდების ტესტირების ლაბორატორიების  ხარისხის რეგულარულ კონტროლს ითხოვს.

--------------------

[1] იგულისხმება დანამატები, რომელიც სურსათს ამა თუ იმ ტექნოლოგიური ფუნქციის შესასრულებლად ემატება (ფერის, გემოს, , სურნელების, კონსისტენციის მისანიჭებლად, შენახვის უნარის გასახანგრძლივებლად და სხვა). მათ ხშირად "კონსერვანტებად" ან "ემულგატორებად" მოიხსენიებენ. ქართულ კანონმდებლობაში მათ ეწოდება "საკვებდანამატები".

[2] ფორტიფიცირება ნიშნავს სურსათში ვიტამინების, მინერალების და კვებითი ღირებულების მქონე სხვა ნივთიერებების (ნუტრიენტების) დამატებას.

ასოცირების ხელშეკრულების მუხლები
ევროკავშირის კანონმდებლობა

მოცემულია ბმულები აქტის უკანასკნელ კოდიფიცირებულ ვერსიაზე

  • 609/2013 რეგულაცია - მოთხოვნები ჩვილთა კვებასა და დიეტური სურსათისადმი;
  • 94/360/EC გადაწყვეტილება - ცხოველური წარმოშობის პროდუქტების შემოწმების სიხშირე იმპორტისას;
  • 669/2009 რეგულაცია - ზოგიერთი ქვეყნების მცენარეული წარმოშობის პროდუქტების შემოწმების სიხშირე იმპორტისას;
  • 2011/91/EU დირექტივა - სურსათის პარტიის სავალდებულო მითითება პროდუქტზე;
  • 1331/2008 რეგულაცია - საკვებდანამატების დაშვების პრინციპები და პროცედურა;
  • აღმასრულებელი რეგულაციები: 307/2012 და 489/2012 - სურსათისთვის მინერალების, ვიტამინების ან სხვა ფორტიფიკანტების დამატების დაშვებისა თუ აკრძალვისთვის საჭირო ინფორმაციის თაობაზე;
  • რეგულაცია 645/2000 - სურსათში პესტიციდების ნარჩენების მონიტორინგის წესები;
  • 92/608/EEC გადაწყვეტილება - თერმულად დამუშავებული რძის შემოწმების მეთოდები.
საქართველოს კანონმდებლობა