Notice: Undefined index: lastart in D:\wwwroot\csrdg\asocireba.ge\httpdocs\show_article.php on line 111



2015:
ბოლო განახლება: 2018-12-11

გამოცხადებულია ექსპერტთა მოწვევა!

მიმდინარეობს მონაცემების გადამოწმება

შესრულების მაჩვენებელი: 79% 

ვალდებულება

შესრულების მდგომარეობა პრობლემები შესრულება %
ევროკავშირის მოთხოვნებს დაუახლოვდეს: კანონმდებლობა პრაქტიკა
სურსათის უვნებლობის სახელმწიფო მართვის პრინციპები აქტი ძალაშია არსებობს მაკონტროლებელი ორგანო, კონტროლი ხორციელდება

არ ვრცელდება ფიზიკურ პირებზე;

HACCP ყველას არ მოეთხოვება

რისკების ანალიზი ზედაპირულია

85%

სურსათის ჰიგიენა აქტი ძალაშია

არსებობს მაკონტროლებელი ორგანო

კონტროლის მასშტაბი მცირეა;

ჯარიმები პატარაა

70%
სურსათის უვნებლობის ნორმები აქტები ძალაშია შესრულება კონტროლდება ნორმები გადმოტანილია მექანიკურად, არ ასახავს საქართველოს რეალობას 70%
საქონლის ხორცის წარმომავლობის მითითება აქტი ძალაშია შესრულება კონტროლდება კონტროლი არ მოიცავს მთელ ბაზარს 90%

ასოცირების შეთანხმების მიხედვით 2015 წელს საქართველოს  თავის კანონმდებლობაში ევროკავშირში სურსათის რეგულირების პრინციპების დამდგენი ე.წ. "სურსათის კანონის" და მასთან დაკავშირებული ძირითადი კანონმდებლობის პაკეტის გადმოტანა უნდა დაესრულებინა.

ამ მოთხოვნის ნაწილი 2014 წელს შესრულდა - კერძოდ, 2014 წლის აპრილში პარლამენტმა მიიღო ცვლილება სურსათის უვნებლობის, ვეტერინარიისა და მცენარეთა დაცვის კოდექსში, რომლითაც კოდექსი პრაქტიკულად სრულ შესაბამისობაში მოვიდა სურსათი ძირითად კანონთან. თუმცა კოდექსის სრულფასოვანი ამოქმედება დაგეგმილია 2020 წლისთვის, მანამდე კი სახელმწიფო კონტროლი ვრცელდება სურსათის ოპერატორების მხოლოდ ნაწილზე (იხ. კოდექსის 76-ე მუხლის მე-4 პუნქტი), რაც იმას ნიშნავს, რომ სურსათის უვნებლობის სახელმწიფო მართვა საქართველოში ამ ეტაპზე არასრულყოფილია.

2015 წლის ოქტომბერ-ნოემბერში საქართველოს მთავრობამ განაახლა სურსათის სახელმწიფო კონტროლის წესი, სურსათთან დაკავშირებული კრიზისული მდგომარეობების მართვის გეგმა, და ევროკავშირის სწრაფი განგაშის სისტემაში საქართველოს ინტეგრირების პროცედურა, რითაც ეს აქტები ევროპულს დაუახლოვა.

რაც შეეხება ცხოველური წარმოშობის სურსათის სახელმწიფო კონტროლის წესებს, შესაბამისი დადგენილება საქართველოს მთავრობამ 2015 წლის თებერვალში დაამტკიცა. 2014 წლის განმავლობაში დამტკიცებული იყო თანმდევი წესები ბიზნეს-ოპერატორთა აღიარების და ხორცის დადამღვის თაობაზე (განმარტებებისთვის იხ.: ცხოველური წარმოშობის სურსათის განსაკუთრებული კონტროლი). გარდა ამისა, 2015 წლის ნოემბერში დამტკიცდა სურსათის მიკვლევადობის მოთხოვნები.

ძირითადი პრობლემა: სურსათის უვნებლობის სახელმწიფო კონტროლი 2020 წლამდე არ ვრცელდება ფიზიკურ პირებზე, გარდა რეგისტრირებული ინდმეწარმეებისა და მიკრო-ბიზნესისა (იხ. სურსათის უვნებლობის, ვეტერინარიისა და მცენარეთა დაცვის კოდექსის 76-ე მუხლის მე-4 პუნქტი).

ასოცირების ხელშეკრულების მუხლები
ევროკავშირის კანონმდებლობა

მოცემულია ბმულები აქტის უკანასკნელ კოდიფიცირებულ ვერსიაზე

საქართველოს კანონმდებლობა

მოცემულია ბმულები აქტის უკანასკნელ კოდიფიცირებულ ვერსიაზე