Notice: Undefined index: lastart in D:\wwwroot\csrdg\asocireba.ge\httpdocs\show_article.php on line 111



მომხმარებლის უფლებები
  2019
ბოლო განახლება: 2018-12-12

მიმდინარეობს სტატიის შინაარსის განახლება

მომხმარებლების უფლებების დაცვის შესახებ კანონი საქართველოში 2012 წელს გაუქმდა. პარლამენტის  ევროინტეგრაციის კომიტეტის მიერ, დაინტერესებული საზოგადოების ჩართულობით, 2013-15 წლებში მომზადდა ახალი კანონის პროექტი, რომელიც პირველი მოსმენით პარლამენტმა მიიღო კიდეც. თუმცა 2016 წელს ეკონომიკის სამინისტროს ინიციატივით კანონის განხილვის პროექტი შეჩერდა, კანონპროექტისთვის რეგულირების ზეგავლენის შეფასების მომზადების მიზეზით (იხ. ეკონომიკის სამინისტროს დაკვეთით, USAID დახმარებით მომზადებული შეფასება). ამის შემდეგ კანონპროექტის მოსმენები აღარ გაგრძელებულა.

ამჟამად პარლამენტის ევროინტეგრაციის კომიტეტი, დაინტერესებული საზოგადოების ჩართულობით, კანონის ახალ პროექტზე მუშაობს. GIZ მზადრაჭერით მიმდინარეობს კანონის ამ ახალი პროექტის რეგულირების ზეგავლენის შეფასების შემუშავება (იხ. GIZ დახმარებით მომზადებული, კანონპროექტის 2017 წლის ვერსიის შედარებითი სამართლებრივი ანალიზი).


მომხმარებელთა ინტერესების დაცვა საკითხთა ორ დიდ სფეროს მოიცავს:

  1. სამომხმარებლო პროდუქციისა და მომსახურების უსაფრთხოების უზრუნველყოფა - ეს საკითხები განხილულია განყოფილებებში: სურსათის უვნებლობა, პროდუქციის უსაფრთხოება და ტრანსპორტის უსაფრთხოება.
  2. მომხმარებლის დაცვა შეცდომაში შეყვანისა და მოტყუებისგან - ამ საკითხებზე აქ ვისაუბრებთ.

იმისთვის, რომ სამომხმარებლო ბაზარმა სათანადად იფუნქციონიროს, მომხმარებლებს უნდა ჰქონდეთ საშუალება აირჩიონ და მიიღონ ის პროდუქცია, რაც მათ სურთ და სჭირდებათ. ამისათვის უზრუნველყოფილი უნდა იყოს შემდეგი:

  • პროდუქციის არჩევისას მომხმარებელს უნდა მიეწოდოს სწორი, საკმარისი და გასაგები ინფორმაცია მისი თვისებების/თავისებურებების შესახებ;
  • მომხმარებელს საშუალება უნდა ჰქონდეს თავისუფლად, ზეწოლის გარეშე გაიაზროს მიწოდებული ინფორმაცია რათა მიიღოს გადაწყვეტილება საქონლის/მომსახურების შეძენის თაობაზე;
  • მომხმარებელმა უნდა მიიღოს ზუსტად ის პროდუქცია, რაც მან აირჩია;
  • პროდუქციის ნაკლი უფასოდ უნდა გამოსწორდეს - პროდუქცია უნდა შეკეთდეს ან გამოიცვალოს;
  • პროდუქციის ნაკლის/წუნის შედეგად მომხმარებლისთვის მიყენებული ზიანი უნდა ანაზღაურდეს.

საქართველოში ამჟამად მომხმარებელი შეცდომაში შეყვანისგან დაუცველია - 2012 წელს მომხმარებლის დაცვის კანონი გაუქმდა. 2014 წელს საქართველოს პარლამენტმა მოახდინა ახალი კანონპროექტის ინიცირება, თუმცა ის ჯერ მიღებული არ არის. ასოცირების შეთანხმებით ამ საკითხების აპროქსიმაცია 2019 წლისთვის არის გათვალისწინებული.

ასოცირების ხელშეკრულების მუხლები
ევროკავშირის კანონმდებლობა
საქართველოს კანონმდებლობა