მიმდინარეობს შესრულების შეფასება
ენერგეტიკის სფეროსთან დაკავშირებული ვალდებულებები ასოცირების შეთანხმების ორ ნაწილში არის განთავსებული:
- შეთანხმების მე-4 კარის მე-11 თავი ეძღვნება ენერგორესურსებით ვაჭრობის სფეროს, კერძოდ კი მათი შეუფერხებელი ტრანზიტის საკითხებს და ძირითადად იმეორებს ენერგეტიკული ქარტიის ხელშეკრულების დებულებებს, რომლის მხარე საქართველო 1994 წლიდანაა. დროში გაწერილ ვალდებულებებს ასოცირების შეთანხმების ეს ნაწილი არ შეიცავს;
- შეთანხმების მე-6 კარის მე-2 თავი ეხება ენერგეტიკის სხვა საკითხებს. აქ მოცემული ვალდებულებების დიდი ნაწილი დაკავშირებულია ენერგეტიკულ თანამეგობრობაში საქართველოს წევრობასთან, რომელსაც საქართველო 2016 წელს შეუერთდა.
ასოცირების შეთანხმების მე-6 კარის მე-2 თავი ითვალისწინებს ევროკავშირისა და საქართველოს თანამშრომლობას შემდეგი მიმართულებებით:
- ენერგეტიკული სტრატეგიებისა და პოლიტიკის შემუშავება და განხორციელება;
- კონკურენტული, გამჭვირვალე და ეფექტიანი ენერგეტიკული ბაზრის ჩამოყალიბება;
- რეგიონული ენერგეტიკული საკითხები;
- ენერგეტიკის სფეროში საინვესტიციო გარემოს შექმნა;
- ენერგეტიკული ინფრასტრუქტურის განვითარება ენერგორესურსების დივერსიფიცირებისათვის;
- ენერგორესურსების მიწოდების უსაფრთხოების განმტკიცება;
- ენერგორესურსებით ვაჭრობის სტაბილურობისა და უსაფრთხოების გაღრმავება;
- ენერგოეფექტურობისა და ენერგიის დაზოგვის ხელშეწყობა;
- განახლებადი ენერგიის წყაროების განვითარება;
- სამეცნიერო და ტექნიკური ინფორმაციის გაცვლა;
- ბირთვული უსაფრთხოება და რადიაციული დაცვა.
გარდა ამისა, ასოცირების შეთანხმების ამ ნაწილის თანახმად, საქართველომ უნდა მოახდინოს თავისი კანონმდებლობის დაახლოება ასოცირების შეთანხმების XXV დანართში და ენერგეტიკულ გაერთიანებასთან საქართველოს შეერთების ოქმში მითითებულ ევროკავშირის კანონმდებლობასთან, იქვე მითითებულ ვადებში. ეს კანონმდებლობა ეხება:
- ენერგეტიკული ბაზრის ლიბერალიზაციას,
- განახლებადი ენერგორესურსების გამოყენების ხელშეწყობას,
- ენერგიის დაზოგვისა და ეფექტურად გამოყენების ხელშეწყობას,
- გარემოს დაცვის საკითხებს (განხილულია გარემოსდაცვით ნაწილში).
ენერგეტიკული გაერთიანების სამდივნო რეგულარულად ამოწმებს წევრების მიერ ხელშეკრულების შესრულების მდგომარეობას. შესაბამისი ანგარიშები ხელმისაწვდომია გაერთიანების ვებ-გვერდზე.
სხვა შეფასებები:
- "მსოფლიო გამოცდილება საქართველოსთვის", ენერგეტიკული სიღარიბე და მოწყვლადი მომხმარებლები საქართველოში, ჰეინრიჰ ბოილის ფონდი, 2018 წ.
- "მსოფლიო გამოცდილება საქართველოსთვის", ევროპის “ენერგეტიკული გაერთიანება” და რეფორმები საქართველოს ენერგეტიკაში, ჰეინრიჰ ბოილის ფონდი, 2017 წ.
- "მსოფლიო გამოცდილება საქართველოსთვის", ბუნებრივი გაზის ფასწარმოქმნა საქართველოში და ევროკავშირის ძირითადი მოთხოვნები, ივანე პირველი, 2017 წ.
- "მსოფლიო გამოცდილება საქართველოსთვის", ენერგოეფექტურობა შენობებში ევროდირექტივების ძირითადი მოთხოვნები და საქართველოში არსებული ვითარება, 2017 წ.
- "მსოფლიო გამოცდილება საქართველოსთვის", საქართველოს ენერგეტიკა ევროკავშირის ენერგეტიკული კავშირის კონტექსტქში, 2016 წ.
- "მსოფლიო გამოცდილება საქართველოსთვის", საქართველოს ენერგეტიკული სექტორი ევროკავშირთან ასოცირების კონტექსტში, 2015 წ,
