2019 წელს ქართულ კანონმდებლობაში გადმოტანილი უნდა იყოს ცხოველთა საკვების ჰიგიენის ზოგადი წესების დამდგენი 183/2005 რეგულაცია და მისი ქვენორმატიული აქტი (141/2007 რეგულაცია), რომელიც ცხოველთა ზოგიერთი საკვებდანამატის მწარმოებელთა აღიარების პროცედურას აწესებს.
2019 წელს გრძელდება ცხოველების/ფრინველების კონკრეტულ დაავადებების ან ზოონოზური აგენტების აღმოფხვრაზე მიმართული ღონისძიებების აპროქსიმაცია. კერძოდ, დაგეგმილია გადმოტანილი იყოს 92/119/EEC დირექტივა, რომელიც ღორის ვეზიკულარული დაავადების კონტროლის ღონისძიებებს ადგენს და აგრეთვე 2160/2003 რეგულაცია , რომელიც სალმონელას და სხვა ზოონოზური აგენტების კონტროლის ღონისძიებება განსაზღვრავს.
აგრეთვე გაგრძელდება არასასურსათო დანიშნულების ცხოველების გადაადგილების კონტროლის მარეგულირებელი აქტების აპროქსიმაცია. კერძოდ, გადმოტანილი იქნება 2004/68/EC დირექტივა, რომელიც ადგენს ვეტერინარულ მოთხოვნებს ველური ცოცხალი ჩლიქოსანი ცხოველების იმპორტისას.
2019 წლისთვის არის გათვალისწინებული ქართულ კანონმდებლობაში ვეტერინარული სამკურნალო საშუალებების რეცეპტის გარეშე დაშვების კრიტერიუმების გადმოტანა (2006/130/EC დირექტივა)